telebista
22:15ean
Internet bidez elkarrekin konektatutako pertsonen istorioak, gaur gauean, "En Kuadrilla" saioan
EITB Media
Kuadrilla berri baten bisita izango du Klaudio Landak platoan, sare sozialen eta Internet bidezko harremanen inguruan hitz egiteko. Ohi bezala, emozioz eta sorpresaz betetako gaua izango da.
-
Klaudio Landa kuadrillako kideekin. Argazkia: EITB Media
Conectados (konektatuta) izenburupean, "En Kuadrilla" saioaren atal berri bat izango dugu gaur ikusgai ETB2n eta eitb.eus-en, Klaudio Landak aurkeztuta. Astero bezala, sorpresaz eta emozioz betetako hitzordua izango da, istoriorik pertsonalenak ezagutzeko.
Sare sozialak hizpide hartuta, kuadrilla berri batek bisitatuko du platoa, Internet bidez elkarrekin konektatutako pertsonen istorioak bertatik bertara ezagutzeko. Besteak beste, Internet bitartez elkar ezagutu zuten bikote baten berri emango digute, eta baliteke ezustekoren bat edo beste ere izatea programan. Horrez gain, urte askoren ondoren harremana distantzian mantentzen duten bi lagunen kasua ere ezagutuko dugu, eta platoan elkartuko dira, haietako batek jakin gabe gainera.
Azkenik, Ainhoa Etxebarria aurkezle eta antzezlea ere izango dute platoan, eta bisita berezia izango du horrek ere.
"En Kuadrilla" ostiralero izaten da ikusgai, 22:15etik aurrera, ETB2n eta eitb.eus-en.
