telebista
Aliantzak
Euskadiko Orkestra eta Andra Mari Abesbatzaren kontzertua babestuko du EITBk Musika Hamabostaldian
EITB Media
Larunbat honetan izango da kontzertua ikusgai 20:00etatik aurrera Kursaal Jauregian.
-
Musika Hamabostaldia.
EITBren eta Musika Hamabostaldiaren arteko lankidetzaren testuinguruan, larunbat honetan, abuztuaren 20an, Euskadiko Orkestrak eta Andra Mari Abesbatzak eskainiko duten kontzertua babestuko du EITBk. Musika amerikarrez osatutako programa taularatuko dute Wayne Marshallen zuzendaritzapean, eta Indira Mahajan sopranoa eta Eric Greene baritonoa izango dituzte lagun. Kontzertua Kursaal Jauregian izango da, 20:00etan.
Abuztuaren 2tik 27ra ospatzen ari den 83. Donostiako Musika Hamabostaldiaren erakusleiho izaten ari dira EITB ikus-entzunezko taldeko hedabideak.
