telebista
Kirol emanaldiak
Zarauzko Ikurrina zuzenean, ETB1en eta eitb.eus-en
EITB Media
Gainera, Zarauzko pilota jaialdiak eta Euskal Herriko Harri Txikien Txapelketak erakustaldiak osatuko dute asteburuko kirol eskaintza.
Bideoak (1)
Informazio gehiago (1)
Asteburu honetan, ETB1ek eta eitb.eus-ek Zarauzko Ikurrina eskainiko dute zuzenean. Larunbatean, Euskotren eta Eusko Label ligetako traineruen lehen jardunaldia eman ondoren, eta gaur goizean, 11:20tik aurrera, ikusgai izango da bigarren jardunaldia. Mikel Olazabalek, Ibon Gaztañazpik eta Sara Gandarak egingo dute estropaden zuzeneko kontakizuna.
Bestalde, arratsaldean, Zarauzko pilota jaialdia izango da zuzenean ikusgai, 17:00etan. Hasteko, Agirre-Aranguren eta Elordi-Tolosa bikoteek jokatuko dute atariko partida, eta, ondoren, Laso-Mariezkurrena eta Altuna III-Zabaleta aurrez aurre jarriko dira Masters Caixabank txapelketan. Xabier Euzkitzek, Abel Barriolak eta Elena Azpeitiak egingo dute emanaldiaren kontakizuna zuzenean.
Azkenik, herri-kirolei dagokienean, 14:55ean, Gernikan ospatutako Euskal Herriko Harri Txikien Txapelketa eskainiko da.
