Marijaiaren harrerak audientzia datu historikoak lortu ditu ETBn

Bilboko Aste Nagusiari hasiera eman zion Marijaiaren harreraren zuzeneko emanaldiak audientzia bikaina lortu zuen larunbat arratsaldean. Saioa bere ordu tartean liderra izan zen % 20,4ko audientzia-zatiarekin, azken 16 urteetako daturik onena eskuratuz. Halaber, 171.000 ikus-entzulek bat egin zuten emanaldiarekin Euskadin eta eragin eremuan.

Itziar Lazkano aktorea da 2022ko Aste Nagusiko pregoilaria, eta Iratxe Palacios Tintigorriko konpartsakidea, aurtengo txupinera; elkarrekin, Arriagako balkoira atera ziren, eta, Marijaiarekin batera, jaiari hasiera eman zioten. Ekitaldiaren kontakizuna Kaitin Allende eta Ander Iribar esatariek egin zuten; eta Egoitz Txurruka eta Soraya Vegas berriemaileek Arriaga Antzokiaren barrualdean eta kanpoaldean bildutako lagunak elkarrizketatu zituzten.