Azpimarra
23:10ean
Idoia Mendiari elkarrizketa, astearteko 'Azpimarra+' albistegian
A.H.
EITB
Maddalen Iriartek egun- eguneko gaien inguruan galdetuko dio PSE-EEko bozeramaleari.
Astearte honetan, Maddalen Iriartek Idoia Mendia, PSE-EEko bozeramalea elkarrizketatuko du 'Azpimarra+' albistegi berezian. Egun-eguneko gai politikoen inguruan galdetuko diote, eta besteak beste, PSOE alderdiaren konferentzia politikoaren ondorioak eta alderdiaren proiektu politikoa aztertuko ditu gonbidatuak.
Horrez gain, Eneko Andueza, Pilar Kaltzada eta Asier Blas solaskideak, aktualitatezko gaien inguruko solasaldian parte hartuko dute eta elkarrizketan komentatu diren gai garrantzitsuenak ere jarriko dituzte mahai gainean. Amaitzeko, Adrian Zelaia eta Joseba Barandiaran adituek egoera ekonomikoaren gaineko hausnarketa egingo dute.
'Azpimarra+' asteartean, 23:10etik aurrera, ETB1en.
