Mikel Urdangarin abeslaria, gaur arratsaldean, "Biba Zuek!" saioan

Gaurko saioan, bilduma bitxiak dituzten gonbidatuak izango dira "Biba Zuek!" saioko lehen orduko protagonistak. Horietako bat da, esate baterako, txirrindularien botilatxoak biltzen dituen 54 urteko andoaindarra.

Ondoren, Vidal Salcedo medikua izango da COVID-19aren inguruko herritarren zalantzei erantzuten.

Bestalde, bigarren orduko gonbidatua Mikel Urdangarin musikari zornotzarra izango da. Izurdeen lekua izena du atera duen disko berriak, eta hori bera aurkeztu eta diskoko abesti bat joko du zuzenean. Horrez gain, Ainhoa Vitoria irrati esataria eta Jon Garate kolaboratzaileak lagunduta izango da Mikel platoan.

"Biba Zuek!" astelehenetik ostiralera izaten da ikusgai, 18:00etatik aurrera, ETB1en eta eitb.eus-en.