Biba Zuek
18:00etan
Ainhoa Aierbe eta Joli Pascualena aktoreak, gaur arratsaldean, "Biba Zuek!"en
EITB MEDIA
Aurretik, saioan izango diren protagonistek ospatzeko dituzten gauzez arituko dira.
-
Joli Pascualena. EITB Mediaren bideo batetik hartutako irudia
Gaur arratsaldean "Biba Zuek!" saioko platora gerturatuko diren gonbidatuek badute zer ospatu: senar-emazte batzuk, esaterako, asko kostata baina aurten izan dira guraso, beste batzuek, aldiz, beste zerbait ospatzeko bestelako arrazoiak dituztela azalduko dute. Maitane Ormazabal izango dute solasaldi horretan bidelagun.
Bigarren orduan, Ainhoa Aierbe eta Joli Pascualena aktoreek Kutxidazu bidea Isabel musika antzerkia aurkeztuko dute. Beraiekin batera platoan izango dira baita ere Vidal Salcedo medikua, Aritz Ganboa artzaina, Marta Elvira kolaboratzailea eta Ana Goitia kazetaria.
Maddalen Arzallusek eta Xabier Sukiak gidatutako "Biba Zuek!" saioa astelehenetik ostiralera izaten da ikusgai, 18:00etan hasita, zuzenean, ETB1en eta eitb.eus-en.
