Manu Maritxalar gonbidatu, gaur arratsaldean, "Biba Zuek!"en

Gaurko solasaldian "bertso-saioen osasunaz" hitz egingo dute "Biba Zuek!"en. Izan ere, duela gutxi albiste batek bertso-saioak % 55 jaitsi direla zioen. Bertso-saioak leku seguruak direla aldarrikatzeko asmoz, Beñat Gaztelumendi bertsolari eta Bertsozale Elkarteko lehendakaritzako kidea eta Alaia Martin bertsolaria izango dituzte gonbidatu.

Ondoren, Vidal Salcedo medikuak D bitaminaz hitz egingo du. Pixkana egunak luzatzen ari direla eta eguzki ordu gehiago ditugula ikusita, D bitaminaren garrantziaz arituko da.

Bigarren orduko gonbidatua Manu Maritxalar izango da. "El Conquistador del Caribe" abentura saioa istripu baten erruz utzi behar izan zuen. Saioan zehar izandako ibilbidea errepasatzeaz gainera, gaur egun nola dagoen azalduko du platoan.

"Biba Zuek!" astelehenetik ostiralera izaten da ikusgai, ETB1en eta eitb.eus-en.