Maite Maiora mendi lasterkaria, gaurko "Biba Zuek!" saioan

Gaur arratsaldean, Maite Maiora izango dute gonbidatu Maddalen Arzallusek eta Xabier Sukiak ETB1eko "Biba Zuek!" saioan. Euskal Herriko hainbat mendi lasterketa irabazteaz gain, Mundu mailako batzuk irabazi ditu. Azkena uda honetan, Valls de Boiko mundialean ultra traileko txapeldun izan baitzen. Hiru Handiak lasterketan ere errekorra 40 minutu jaitsi zuen.

Saioaren lehendabiziko orduan larrialdiak artatzera joaten diren profesionalak izango dituzte, momentu horiek nolakoak izaten diren eta zer bizipen izan dituzten kontatzeko.

"Biba Zuek!" gaur izango da ikusgai 18:00etatik aurrera ETB1en eta eitb.eus-en.