Biba Zuek
18:00etan
Seiurte musika taldea, gaur arratsaldean, "Biba Zuek!" saioan
EITB Media
Saioaren lehen orduan, bestalde, barnealdean musukoa erabiltzeko derrigortasunaren amaieraz hitz egingo dute.
-
Iokin Elortza Seiurte taldeko abeslaria. EITB Mediaren bideo batetik ateratako irudia
Gaurko "Biba Zuek!" saioan Seiurte musika taldea izango dute gonbidatu. Joan den urte bukaeran, estudioko zazpigarren lana kaleratu zuten, Cabo Cañaveral izenekoa; eta, talde gisa 25 urte bete berri dituzten honetan, Iokin Elortza, Martin Sarasketa eta Iñaki Elortza taldeko kideekin hitz egingo dute mende laurdeneko ibilbideaz eta une honetan esku artean dituzten emanaldi zein proiektuez.
Programaren lehendabiziko orduan, berriz, egunak Hego Euskal Herrira ekarriko duen albisterik nagusienetako baten hariari tira egingo diote, barnealdean musukoa erabiltzeko derrigortasuna amaituko baita. Horri lotuta, aurpegia libre izateak hainbati sor diezazkion arazoak identifikatzen saiatuko dira Maialen Arrieta lehen hezkuntzako irakaslearekin eta Nekane Azuabarrena psikologoarekin batera, besteak beste.
"Biba Zuek!" programa 18:00etan dugu ikusgai, ETB1en eta eitb.eus-en.
