Doctor Deseoren disko berriaz, gaur gauean, 'EiTB Kultura Transit' saioan

Gaurko 'EiTB Kultura Transit' saioa musika, antzerkia eta ikus-entzunezkoaren munduan murgilduko da. Hasteko, Doctor Deseo taldeak 16garren diskoa ezagutuko  dugu: La fuerza de la fragilidad. Palabras ante el espejo jarri diote izena, eta abiapuntua hurbilekoen heriotza badu ere, doinu dantzagarriz jantzi dituzte kantu gehienak. Aste honetako 'EiTB Kultura Transit'en taldekideekin hitz egin dute lan berriaz eta taldearen ibilbideaz.

Bestalde, Mikel Martinez aktorearekin izango dira. Mikelen habitat naturala Bilboko Alde Zaharra da eta Zirika herri-gunean bilduko dira berarekin, bere kultur proposamenen berri jasotzeko. Antzerki munduko erreferente handiak gomendatu dizkigu, baita Euskal Herriko konpainiek egindako lanak ikustea ere. Horrez gain, filmak eta literatura ez dira falta bere zakuan.

Amaitzeko, Itziar Orbegozo bideogile eta errealizadorearen lana ezagutuko du saioak. Orbegozok Arte Ederrak ikasi zituen Bilbon eta telebista eta publizitatean aritu da ordutik lanean. Fashion-filmak eginaz errekonozimendua lortu du hainbat jaialditan, eta orain bere lehen film laburra amaitzen ari da. Eraikin huts batean bizi izan zeneko istorioa da, bere burua protagonista hartuta denboraren joanaz hausnartzen duen kontakizuna.

'EiTB Kultura Transit' ostegun gauetan izaten da ikusgai ETB1en eta ETB2n.