Erika-Maialen vs Elaia-Naroa, Euskotren Winter Seriesen bigarren finalerdian

Astelehen honetan, Euskotren Winter Series emakumezkoen zesta-punta txapelketako bigarren finalaurrekoa jokatuko dute Erika-Maialen eta Elaia-Naroa bikoteek Durangon, Ezkurdi frontoian. Irabazten duen bikoteak egingo du aurrera, martxoaren 11ko finalerako txartela lortuta.

Irabazleek Helena Barrenetxea eta Arai Lejardi izango dituzte aurrean finalean, lehen finalerdiak Maite Ortiz de Mendibil eta Frida Watkins mendean hartu zituztelako, bi setetan: 15-14 eta 15-12.

Bestetik, Banakako Series lehiako neurketa jokatuko dute Erkiagak eta Lekerikak. Bi hitzorduak ikusteko aukera eskainiko du EITBk, ETB1en eta eitb.eus-en, 22:15ean hasita.