'Go!azen' pelikula, 15:30ean, ETB3n

'Go!azen 3.0'ren estreinaldiaren harira, telesailari eskainitako asteburua prestatu du Euskal Telebistak jarraitzaileen gozamenerako.

Atzo, larunbata, 11:50etik aurrera, telesailaren lehen denboraldiko hamabi atalak izan ziren ikusgai bata bestearen atzetik. Gaur, igandea, 15:30ean, telebistarako egin zen filma eskainiko da.

Beñat, Landa, Irati, Desi, Gorka eta konpainiak Basakabi udalekuetan biziko dituzten istorioak berriro ikusi ahal izango ditugu asteburuan ETB3n. Maitasun kontuak, lagunen arteko haserreak eta adiskidetzeak, irakasleekin eta Zuzen udalekuko zuzendari zorrotzarrekin gorabeherak… Hori guztia, musikaz eta dantzaz jantzita.

'Go!azen' telesailari eskainitako asteburua, ETB3n!