Xabier Usabiagari elkarrizketa, gaur gauean, 'Gure Kasa'n

Gaur gauean, Xabier Usabiaga kazetaria izango dute ETB1eko 'Gure Kasa' saioan gonbidatu. Euskal Telebistako aurpegirik ezagunenetarikoa da eta aste honetan Euskal Herriko Itzuliaren zuzeneko emanaldien kontakizunean dago lanean buru belarri.

Bestalde, fusioa sekulako talentuarekin uztartzen duen talde bat gonbidatu dute saiora, Sonakay taldea, hain zuzen ere. Flamenkoa euskaraz egiten dute. Eurek diotenez, ijituen kultura eta euskaldunon kultura abestu egiten dituzte. Ikuskizun dotorea eskainiko dute, desberdina, eta ikus-entzuleak aho zabalik utziko dituena.

Asteazkenero bezala, Iban Garcia kuxkuxeatzera bidaliko dute. Hemen ondoko plato batean dagoeneko ari dira entseguetan Zuriñe Hidalgo eta konpainia. Horien artean omen dabiltza Twin Melodyko neskak.

'Gure Kasa' astelehenetik ostegunera izaten da ikusgai 21:30ean eitb.eus-en eta ETB1en.