Gure Kasa
ETB1en, 21:30ean
Inaxio Perurena izango da gaurko gonbidatua 'Gure Kasa' saioan
EiTB
Iban Garcia, Nahiara Gago, Nerea Alias, Asisko Urmeneta eta Onintza Enbeita kolaboratzaileek ere hartuko dute parte.
-
Inaxio Perurena, 308 kiloko harria altxatu ostean. (Argazkia: EiTB)
Inaxio Perurena harri-jasotzailea elkarrizketatuko dute gaur gauean 'Gure Kasa' saioan Julen eta Antton Telleriak. Bere haurtzaroa harrien inguruan eman zuen, eta, noski, Iñaki Perurena aita izanda… nolako zura, halako ezpala! Munduan lau pertsonak altxatu dute 300 kiloko errektangularra, eta horietako bat Inaxio da.
Iban Garcia, Naiara Gago, Nerea Alias, Asisko Urmeneta eta Onintza Enbeita ere joango dira 'Gure Kasa'ko platora. Iban kalera atera da jendeari txisteak kontatzera. Naiarak harriekin lotura duen jolasa ekarriko du. Kokei Mikoni artistak egiten duen bezala, harriak orekan jartzen ahaleginduko dira. Asisko Urmenetak errotulagailuak lanean jarriko ditu eta Onintza Enbeitak Ni On In tartearen atal berri bat aurkeztuko digu.
'Gure Kasa' saioa astelehenetik ostegunera izaten da ikusgai, 21:30ean, ETB1en eta eitb.eus-en.
