Fermin Muguruzari elkarrizketa, gaur gauean, 'Gure Kasa'n

Gaur gauean, Fermin Muguruza izango da 'Gure Kasa' saioan gonbidatu. Ondo pasatzeko gogo handiarekin etorriko da saiora, bere ibilbidea eta abestiak errepasatuko ditu eta Black is beltza proiektua aurkeztuko du. Iban Garciak eman zion Fermini saiora etortzeko gonbidapena eta honek bere hitza bete du. Ibanen hurrengo erronka Jokin Altuna pilotaria gonbidatzea da. Zein izango da haren erantzuna?

Nerea Aliasek Fermin Muguruzaren sekulako irudiak aurkitu ditu ETBko artxiboan. Jon Garate Irunen ibili da gonbidatuari buruz galdezka, jendea kantuan jarri du eta batzuk dantzatzen ere bai.

Maddalen Arzallus ere Irunen izan da, hitzak eta abestiak nahastuko dituen atal berezi bat egiten. Euskara, Mosku plazari buruzko bitxikeriak eta Ferminen musika ekarriko dizkigu.

'Gure Kasa' astelehenetik ostegunera dago ikusgai, 21:30ean, ETB1en eta eitb.eus-en.