'Utzi zure mezua seinalearen ondoren' antzezlaneko aktoreak, osteguneko "Gure Kasa"n

Ostegun honetan, Mireia Gabilondo, Oihana Maritorena, Sara Cozar eta Miren Arrieta aktoreek Utzi zure mezua seinalearen ondoren antzezlana aurkeztuko dute "Gure Kasa"n. Urriaren 15ean estreinatu zuten antzezlana Bilboko Arriaga antzokian, eta, orain, Euskal Herrian zehar ibiliko dira proiektu berriarekin. Aktoreen ibilbide profesionalaz arituko dira, baita aurrera begira dituzten proiektuez ere.

Ostegunean soilik kolaboratzaile bat izango da programan: Jon Garate. Goenkalek esana atalean, Euskal Telebistako telesail mitikoko bitxikeriak kontatuko ditu. Doinu kaxa tartean, bestalde, aktoreen abesti kuttunenak entzuteko aukera izango dugu, eta, Dantzan! atal berrian, arku dantza berezi batez gozatuko dugu. Oñatiko Oñatz dantza taldeko kideak platoan izango dira Oñatin bakarrik dantzatzen den XVI. mendeko arku dantza hau egiten.

"Gure Kasa" astelehenetik ostegunera izaten da ikusgai ETB1en eta eitb.eus-en, 21:00etan.