Itxi

Hitzetik hortzera

Hitzetik hortzera

2019/03/10

10:08

Hitzetik hortzera

15:00etan

Mahai bueltako bertso jarduna, gaur, 'Hitzetik Hortzera'n

EiTB

Agin Laburu bertsolaria elkarrizketatuko du Eider Perezek.

0:58
Gastronomiari erreparatuko dio igande honetako 'Hitzetik Hortzera' saioak
  • Whatsapp
  • Whatsapp
  • Telegram
  • Bidali

Otorduen aitzakia oso baliagarria zaigu elkartzeko, eta bertsolaritzak berak ere askotan baliatu izan du egokiera hori. Gastronomia izango du bertsoak lagun, gaur, 'Hitzetik Hortzera' programan, eta, horretarako, bien arteko tandema inork baino hobeto ezagutzen duen Agin Laburu bertsolaria elkarrizketatuko dute Ipintza sagardotegian.

Askotan egin izan da mahaian bertsotan, eta aste honetan alor hori gehiago ezagutuko dute. Astigarragako Ipintza sagardotegira joango dira. Han urtero antolatzen da bertso bazkaria, eta Agin Laburuk parrilako lanen nondik norakoak kontatuko dizkigu. Igandeko programan, bertsotan egiteko menu perfektua diseinatzen ahaleginduko dira.

Bestalde, Bergarako kartzela zaharreraino joango dira, aratusteetako bertso saiora. Kopla Barik bertso eskolakoek, beste askok bezala, ohitura dute bertso saioaren aurretik afaria antolatzeko, bertsolari, gai jartzaile eta gainerakoentzat. Ibon Leibar Txinbo gai jartzailearekin hitz egingo dute, ea erritu honek geroko saioa hobetzen ote duen jakiteko. Inoiz joan ote zaie bertsolariren bat kontu eske afariak kalte egin diolako?

Bertso jaialdiak, Donostian eta Bergaran

Donostiako Basque Culinary Centerren antolatzen duten jaialdiko bertsoaldi onenak eskainiko dituzte. Kantuan aritu ziren Aitor Mendiluze, Maialen Lujanbio, Onintza Enbeita eta Unai Agirre. Gai jartzaile lanak Unai Elizasuk egin zituen. Bergarako gaztetxeko saiotik ere ekarriko dituzte bertsoaldiak; han entzungo ditugu kantuan Igor Elortza, Jon Maia, Maialen Lujanbio eta Unai Iturriaga.

Hori guztia, gaur, 15:00etan, ETB1en eta eitb.eus-en; eta zuzenean ikusi ezin duenak Internetez ere izango du aukera EiTB Nahieran gunean.

  • Bisitatuena

      Kargatzen ikusiena
      Kargatzen ikusiena
    ;