Karabana
ETB1en
Errenterian jarraituko du gaur 'Karabana' saioak
EiTB
Zigor Iturrietak eta Itxaso Gonzalezek Puri Urretabizkaia aktorea, Haritz Ertzibengoa sukaldaria eta Josu Mitxelena herriko musika bandako presidentea izango dituzte gonbidatu.
-
Zigor Iturrieta eta Itxaso Gonzalez. Argazkia: EiTB.
Errenteria eta errenteriarrak izango dira protagonista atzera ere gaurko 'Karabana' saioan. Madalena jaien aitzakian joango dira bisitan bertara Zigor Iturrieta eta Itxaso González.
Jaietako zenbait bideo izango ditugu ikusgai: buruhandi eta erraldoien kalejirari buruzkoa, kuadrillen bazkariari buruzkoa... Sukaldari amateurren tartean, Luisma-Txentxo eta Iñaki-Sara bikoteak arituko dira kozinatzen. Gonbidatuen artean, besteak beste, Puri Urretabizkaia aktorea, Josu Mitxelena musika-bandako lehendakaria eta Haritz Ertzibengoa Gaztelu ostatuko sukaldaria egongo dira.
'Karabana' 21:15ean izango da ikusgai, gaur, ETB1en eta eitb.eus-en.
