Gizartea -
Nafarroa
Sute batek kalteak egin ditu Aristregiko (Txulapain) etxebizitza batean
Etxeko maizterra, 60 urteko gizona, ospitalera eraman behar izan dute, antsietateak jota.
Agentziak | Erredakzioa
Sutea izan da bart Aristregiko (Txulapain, Nafarroa) etxebizitza batean. Sugarrek kalte ugari egin dituzte etxean, eta maizterra ospitalera eraman behar izan dute, antsietateak jota.
Nafarroako Gobernuak jakinarazi duenez, beheko suaren tutua behar baino gehiago berotu da, eta horrek eragin omen du sutea. Tutua etxebizitzaren bi solairuetatik gora doa, hormen artetik, eta hala, garrak teilaturaino heldu dira —erdia edo erre da—.
06:05 aldera, auzokideek deitu dute 112 telefonora, etxebizitza batean sutea zegoela jakinarazteko. Hain justu, bizilagunok ohartarazi dute etxean zegoen pertsona bakarra, 60 urteko gizona. Nafarroako Ospitalera eraman behar izan dute anbulantzian, antsietateak jota egon baita.
Anbulantzia bat eta Cordovillako suhiltzaileak bertaratu dira. 07:00etarako amatatu dute sua. Foruzaingoak egingo du ikerketa.