Ukrainako gatazkan izandako hildakoen kopuruak gora egin du

Gutxienez zortzi zibil hil eta beste 14 zauritu dira Donetskeko eta Gorlovkako eskualdeetan, Ukrainan, matxinoen aurka izandako bonbardaketetan, talde separatistek jakitera eman dutenez.

Gainera, 12 soldadu ukrainar hil dira azken 24 orduetan milizia errusiazaleen contra izandako borroketan, Ukrainako agintari militarrek zabaldu duenez. Bitartean, ahalegin diplomatikoak areagotzen ari dira zonaldea baretuko lukeen akordioa lotu ahal izateko.

Azkenik, beste 24 soldadu zauritu dira indar separatistek Gobernuaren aldeko tokiak erasotu ostean, bai Donetsken bai Lugansken ere.

1.500 soldadu ukrainar hilda

Ukrainako presidente Petró Poroshenkok Segurtasun-Konferentzian esan duenez, Ukrainako Armadako 1.500 soldadu inguru hil dira joan den apiriletik hona.

Kievek jakitera eman duenez, milizia matxinoen aurkako liskarretan 70 errebelde hil dira, eta 14 tanke suntsitu dituzte.

Bestalde, Debáltsevoko zonaldea husten jarraitzen dute, bertatik zibilak ateratzeko, joan den astetik egunero bonbardaketak izaten ari direlako.

Segurtasun Nazionalerako eta Defentsarako Batzordeak azaldu duenez, 359 zibil eraman dituzte azken 24 orduetan Debáltsevo, Avdeyévka (Donetsk) eta Chernujino zonaldetik hurbil dauden lekuetatik.

Zonalde separatistara zibilak eramateko erabakia oztopatu izana leporatu diote Kievi errebeldeek. Europako Segurtasunerako eta Lankidetzarako Elkarteak (OSCE) azpimarratu duenez, Donetskera zihoan autobusa 40 bat lagunek baino ez hartu dute.