Publizitatea
X

Irratia zuzenean

Dozenaka hildako Portugalgo sutean: 2.000 suhiltzaile garrei aurre egiten

Mundua

Kontroletik kanpo

Suhiltzaileak, Portugaleko sutea kontrolatu ezinik

Agentziak

2017/06/19

Litekeena da tximista batek zuhaitz baten aurka jo eta sua eragin izana. Dagoeneko 64 dira hildakoak.

1:42
  • Partekatu
  • Bidali

Iruzkinak

Ia 2.000 suhiltzailek jarraitzen dute gaur, astelehena, Portugalgo erdigunea hartu duten su garrak itzaltzeko lanetan. Dagoeneko 64 dira hildakoak, Babes Zibilak emandako azken datuen arabera.

Ezinezkoa izan da sua kontrolatzea, gauean. Leiria (bertan piztu zen sua), Coimbra eta Castelo Branco barrutiak hartu ditu suak, guztiak daude herrialdearen erdigunean.

Espero dute gaur goizean Espainiako beste bi hegazkin eta Frantziako laguntza gehiago heltzea, egoera kontrolatu ahal izateko.

Antonio Costa lehen ministroak igandean esan zuenez, hildako kopuruak gora egingo du "seguru asko", momentuz heltzea ezinezkoa den zenbait lekutara heltzen direnean.

Litekeena da tximista batek zuhaitz baten aurka jo eta sua eragin izana. Ondoren, ziztu bizian zabaldu zen, haize-ufada handiak eta tenperatura altuek areagotuta.

EBaren laguntza, aktibatuta

Europar Batasunak babes zibileko komunitate-mekanismoa aktibatu zuen atzo, Portugali laguntza emateko, eta suteen aurkako hegazkinak bidaltzea ahalbidetu du.

"Portugalgo agintarien berehalako laguntza eskaerari erantzunez, babes zibileko Europako mekanismoa aktibatu da, suteen aurkako salbamendua emateko", adierazi du Christos Stylianides Laguntza Humanitarioko eta Krisi Kudeaketaren komisarioak.

Iruzkinak

Publizitatea
Publizitatea

NAHIERAN Ikusi berriro ETBko albistegiak NAHIERAN
Erreportajeak Aktualitateari buruzko elkarrizketak. Erreportajeak
Publizitatea
Publizitatea

Bisitatuena

    Kargatzen ikusiena
        Kargatzen ikusiena