Politika -
''Ez da beharrezkoa''
De Andres: 'Diru-sarrerak Bermatzeko Errenta birplanteatzeko unea da'
Aburto, bestalde, DBE aldatzearen kontra azaldu da, diru-laguntza horiek "65.000 familia baino gehiagoren duintasunaren euskarri" direlako.
Erredakzioa
Javier de Andres Euskadiko PPren idazkariorde nagusi eta Arabako ahaldun nagusiak adierazi duenez, Diru-sarrerak Bermatzeko Errenta (DBE) "birplanteatzeko" unea da, "ez delako gizarteratzea lortzen ari" eta horrek izan beharko luke laguntza horien "benetako helburua".
De Andresen ustean, "euskal gizarteak, gizarte arabarrak, Gasteizko hiritarrek badakite" DBErekin "jarraitutako" politika "ez dela behar zena izan".
Bestalde, Juan Maria Aburto Enplegu eta Politika Sozialeko sailburua DBE aldatzearen kontra azaldu da, diru-laguntza horiek "65.000 familia baino gehiagoren duintasunaren euskarri" direlako eta aldatzeak "duintasuna" gizartean zalantzan jartzea ekarriko lukeelako.
Aburtoren esanetan, politika sozialak egoera demografikoari moldatu behar dira, baina ikuspegi "sozialetik". Gainera, "zailtasunak gorabehera" bere Sailak "pertsonak politiken helburu" izan daitezen nahi du.
