Publizitatea
X

Irratia zuzenean

2016ko Espainiako hauteskundeak: EiTB Focus inkesta

Politika

Hauteskunde orokorrak Euskadin

EAJk eta Podemosek lehia estua izango lukete hauteskunde orokorretan

eitb.eus

2016/04/21

EiTB Focus inkestaren bigarren alea Espainiako hauteskundeei buruzkoa da. Horren arabera, EAJk eta Podemosek 6na diputatu lortuko lituzkete Euskadin.

  • Partekatu
  • Bidali

Iruzkinak

Euzko Alderdi Jeltzaleak (EAJ) eta Podemosek lehia estua izango lukete EAEn Espainiako hauteskunde orokorrak errepikatuko balira, 'EiTB Focus' makroinkestaren arabera.

Hain zuzen ere, alderdi jeltzaleak 6 eserleku lortuko lituzke Euskadin, eta ezkertiarrak, aldiz, 5-6.

EAJk Bizkaian lortuko luke garaipena, eta, Podemosek, Gipuzkoan eta Araban. Azken lurralde horretan alde handiaz, gainera. Hor lortuko luke seigarren eserlekua.

Atzo, EiTBk Eusko Legebiltzarrerako hauteskundeei buruzko inkesta publikatu zuen. Horren arabera, EAJk 27 legebiltzarkide izango lituzke, eta Podemosek eta EH Bilduk bigarren lekuan berdinduko lukete, 15na eserlekurekin. Inkestatuei Espainiako hauteskundeei buruz ere galdetu zitzaien, eta emaitza horiek gaur publikatu dituzte Euskal Irrati Telebistako hedabideek.

Hauteskunde orokorrak 2016, Euskadin

EiTB Focus inkestaren arabera, EAJk botoen % 26,9 jasoko lituzke EAEn, hauteskundeak berriz eginez gero. Horrenbestez, alderdi jeltzalea bi puntu haziko litzateke, abenduko emaitzekin alderatuta.

Podemosek, ordea, botoen % 25,3 bereganatuko lituzke, duela lau hilabete baino 0,9 puntu gutxiago.

EH Bildu hirugarren izango da, boto-emaileen % 15ek (+ % 0,6) egingo baitukete koalizio abertzalearen alde. Ondoren PSE-EE (% 12), PP (% 10) eta Ciudadanos (% 3,7) egongo lirateke–hirurek behera egingo lukete-.

Boto asmoa euskadin EITB Focus 2015/04/22

Eserlekuak kontuan hartuta, EAJk 6 diputatu izango lituzke; Podemosek, 5-6; PSE-EEk, 2-3; eta EH Bilduk eta PPk, 2na.

Lurraldeka, Araban oso argia izango litzateke Podemosen garaipena, eta inkestaren arabera, PSE-EEri kenduko lioke abenduan bertan lortu zuen diputatu bakarra. EAJk eta PPk eserleku bana jasoko lukete, duela lau hilabete bezala, eta EH Bildu esku hutsik geratuko litzateke berriz.

EiTB Focus hauteskunde orokorrak Araba euskaraz

Bizkaian ere EAJk argi irabaziko luke, eta 3 diputatu bereganatuko lituzke. Podemosek 2 izango lituzke, eta PSE-EEk, EH Bilduk eta PP, bana.

Bizkaia eserlekuen estimazioa EITB Focus 2015/04/22

Gipuzkoan, berriz ere irabaziko luke Podemosek, baina eserlekutan berdindu egingo luke EAJrekin. Bina diputatu jasoko lukete. EH Bilduk eta PSE-EEk bana izango lukete.

EiTB Focus hauteskunde orokorrak Gipuzkoa

Abenduko alderdi berberaren alde bozkatuko zenuke?

Abenduko hauteskunde orokorretan emandako botoa errepikatu egingo ote luketen galdetuta, inkestatuek zera erantzun dute:

Aurreko berdina botatuko luke EITB Focus 2015/04/22

Bestalde, buruzagi politiko espainiarren artean, batek ere ez du gaindituko Euskadin. Nota onena Alberta Garzonek (IU) izango luke, eta, txarrena, Mariano Rajoyk (PP).

hauteskunde orokorrak - espainiako liderrak EITB Focus 2015/04/22

Inkestatuei Eusko Jaurlaritzaren eta Espainiako Gobernuaren jardunak alderatzea ere eskatu zaie. Exekutibo zentralaren kasuan, % 81ek uste dute lan "txarra" edo "oso txarra" egin duela, eta, Gasteizko gobernuaren kasuan, % 46k esan dute horren lana "ez ona, ez txarra" izan dela, eta, % 38k, "ona" izan dela.

hauteskunde orokorrak - espainia vs euskadi EITB Focus 2015/04/22

Fitxa teknikoa

Inkesta EAEn egin da, 1.200 pertsona galdekatuta (400na lurralde bakoitzeko), % 95eko konfiantza mailarekin.

Eremu ikerketari dagokionez, 2016ko apirilaren 13 eta 14 egunen artean egindako lana izan da, telefono bidezko elkarrizketen bidez.

Gizaker konpainiak egin du inkesta, EiTBren albistegientzat, eta hurrengo hilabeteetan datu gehiago emango ditu. Ikerketak bi zati izango ditu: lehenengoa egonkorra izango da (boto asmoa gehienbat) eta beste bat tematikoa (aldakorra izango da inkesta bakoitzean). Lehenengo tematikoa Hezkuntzari buruzkoa izango da, eta ostiral gauean hartuko dute hizpide "En Jake 200" saio berezian, eta larunbatean irratiko eta telebistako albistegietan.

Emaitzak EiTB Focus ekimenaren webgune berezian kontsultatu daitezke. Whatsapp, Facebook eta Twitter sare sozialetan partekatzeko aukera ere ematen du.

Iruzkinak

Publizitatea
Publizitatea

NAHIERAN Ikusi berriro ETBko albistegiak NAHIERAN
Erreportajeak Aktualitateari buruzko elkarrizketak. Erreportajeak
Publizitatea
Publizitatea

Bisitatuena

    Kargatzen ikusiena
        Kargatzen ikusiena