EAEko Aurrekontuek azken tramiteak gainditu dituzte

Eusko Jaurlaritzaren 2017rako Aurrekontu Proiektuak azken tramiteak gainditu ditu astelehen honetan, PPren zuzenketa partziala onartuta eta EH Bildurenak eta Elkarrekin Podemosenak baztertuta. Hilaren 11n onartuko dituzte behin betiko.

Zuzenketa partzialen eztabaida Legebiltzarreko Ogasun eta Aurrekontuen Batzordearen baitan egin dute. EAJk eta PSEk osatutako gobernu autonomikoaren eta PPren artean lortutako aurrekontuen onarpena PPk aurkeztutako 134 proposamen onartuta egin da.

PPren zuzenketek, EAJren eta PSE-EEren babesarekin onartuta, 29 milioi euroko aldaketak dituzte, hau da, Kontuen % 0,26a.

Ostegunean EH Bilduk eta Elkarrekin Podemosek aurkeztutako zuzenketekin gertatu bezala, bi alderdien botoen gehiketak biek aurkeztutako zuzenketa partzialak baztertzea bultzatu du.

EH Bilduk 294 zuzenketa aurkeztu zituen, eta 607 milioi euroko aldaketak zekartzaten. Elkarrekin Podemosek 471 zuzenketa jarri zituen, eta 1.590 milioi euroko zenbatekoa zuten aldaketak eragin nahi zituen.