Politika -
Barne hauteskundeak
Sanchezek gaur 'alderdi berri bat' abiatzea espero du
Sozialisten idazkari nagusi ohiak parte hartzera animatu ditu afiliatuak, 'demokrazia, parte hartze, gardentasun eta eztabaida eredu' den prozesu batean.
Agentziak | Erredakzioa
Pedro Sanchez PSOEren idazkari nagusi izateko hautagaiak barne hauteskundeetan parte hartzeko deia egin du gaur. Orobat, "parte hartze irmoagoa" ezarriko duen "alderdi berri bat" abiatzea espero duela esan du.
Sanchez txalo artean iritsi da Pozuelo de Alarconen (Madril) talde sozialistak duen egoitzara, kazetari, militante eta jende ugariren artean.
Sozialisten idazkari nagusi ohiak parte hartzera animatu ditu afiliatuak, "demokrazia, parte hartze, gardentasun eta eztabaida eredu" den prozesu batean.
