Politika -

Katalunia

Puigdemontek osoko bilkura deituko du 'nola jokatu' erabakitzeko

Generalitateko presidentearen hitzetan, "ordezkari ez-legitimotzat jo du bere burua" Espainiako Gobernuak, eta "Kataluniako autonomia Madriletik zuzentzeko direktorioa izendatu nahi dute orain".

Carles Puigdemont Generalitateko presidentea. Argazkia: EiTB
Carles Puigdemont Generalitateko presidentea. Argazkia: EiTB
Parlamentuan osoko bilkura deituko duela iragarri du Puigdemontek

1:26

EITB.EUS | AGENTZIAK

Whatsapp Facebook Twitter Telegram Email

Carles Puigdemont Generalitateko presidenteak larunbat honetan iragarri duenez, osoko bilkura deitzeko eskatuko dio Kataluniako Parlamentuari, "eztabaidatu eta erabaki dezagun eraso honen aurrean nola jokatu". Gauzak horrela, Kataluniako autogobernuarekin "amaitzeko saiakeraren" inguruan eztabaidatuko dute diputatuek.

"Egin beharrekoa egingo dugu", gaineratu du Puigdemontek Generalitatean irakurritako adierazpen instituzionalean, Espainiako Gobernuak abiatutako 155. artikuluaren aplikazioaren harira.

Puigdemonten iritzian, "ordezkari ez-legitimotzat jo du bere burua" Espainiako Gobernuak, eta "Kataluniako autonomia Madriletik zuzendu ahal izateko direktorio bat izendatu nahi dute" orain.

Puigdemontek salatu duenez, Espainiako Gobernuak "zigor-kode zaharrak eta indarkeria erabiltzen ditu herritarren aurka". "Frankismotik jasandako erasorik larrienaren aurrean, gure instituzioak era baketsuan defendatuko ditugu, betiko moduan", azpimarratu du.

Puigdemontek deitoratu duenez, Espainiako Estatuari zuzendutako elkarrizketa-proposamen guztiek "isiltasuna edo errepresioa izan dute erantzun gisa". "Katalanek hautetsontzietan erabakitakoa Espainiako Gobernuak bulegotan baliogabetu egin du", nabarmendu du presidenteak, "frankismotik izandako erasorik larrienean".

Amaitzeko, Rajoyren Gobernuak "Alderdi Sozialistaren eta Ciudadanosen babesa" jaso duela nabarmendu du.

Hau zure interesekoa bada, baliteke beste gai hauek ere izatea
Katalunia Politika albisteak Espainako Gobernuaren presidente ohia Bartzelona Kataluniaren independentzia Espainiako Gobernua Espainia bideoak Alderdi politikoak bideoak Eguneko albisteak Pere Aragonès bideoak