Publizitatea
X

Irratia zuzenean

ANCk zerrenda 'independentista' bateratua osatzeko eskatu du

Politika

KATALUNIA

ANCk zerrenda 'independentista' bateratua osatzeko eskatu die alderdiei

AGENTZIAK | ERREDAKZIOA

2017/11/07

Kataluniako Asanblea Nazionalanaren iritziz, zerrenda horretan egon beharko lirateke Puigdemont presidentea, kontseilari kargugabetuak eta Jordi biak.

  • Agusti Alcoberro Kataluniako Asanblea Nazionaleko (ANC) presidenteordea. Artxiboko argazkia: EiTB

    Agusti Alcoberro Kataluniako Asanblea Nazionaleko (ANC) presidenteordea. Artxiboko argazkia: EiTB

    Agusti Alcoberro Kataluniako Asanblea Nazionaleko (ANC) presidenteordea. Artxiboko argazkia: EiTB
  • Partekatu
  • Bidali

Iruzkinak

Kataluniako Asanblea Nazionalak (ANC) zerrenda "independentista" bateratua osatzeko eskatu die Kataluniako alderdi politikoei. Haren esanetan, zerrenda horretan egon beharko lirateke Puigdemont presidentea, kontseilari kargugabetuak eta Jordi Sanchez eta Jordi Cuixart (ANCko eta Omnium Culturaleko presidenteak, hurrenez hurren).

Abenduaren 21eko hauteskundeei begira koalizioak aurkezteko azken eguna dela-eta, ohar bidez bere iritzia eman du Kataluniako Asanblea Nazionalak. Halaber, Carles Puigdemont presidenteak ere zerrenda bateratu bat eratzeko deia egin du.

ANCk azpimarratu duenez, "Kataluniako Gobernua kartzelan edota erbestean dela, Kataluniako Parlamentua deseginda dagoela, ehunka politikari mehatxatuta daudela, erakundeak okupatuta daudela eta alderdi politikoak ahulduta daudela" eta Espainiako Gobernu "ustela" Katalunian "agindu" nahian dagoela aintzat hartuta, beharrezkoa da hauteskundeetarako zerrenda bateratu bat aurkeztea.

"Katalanek ez diegu agintzen utziko aukeratu ez ditugun horiei. Abenduaren 21ean amaituko da lotsagabekeria hau. Guztiok bat eginda iritsi behar dugu, Errepublika balioztatzeko eta berriro ere herrialde aberatsa eta betea izateko", adierazi du.

Asanblea Nazionalaren iritziz, egungo "ziurgabetasunaren aurrean", hautagaitza independentista bakarra babestuko duen koalizioa aurkezteko eskatu behar zaie Kataluniako alderdi politikoei.

Iruzkinak

Publizitatea
Publizitatea

NAHIERAN Ikusi berriro ETBko albistegiak NAHIERAN
Erreportajeak Aktualitateari buruzko elkarrizketak. Erreportajeak
Publizitatea
Publizitatea

Bisitatuena

    Kargatzen ikusiena
        Kargatzen ikusiena