Politika -

Nafarroa

UPN babestu zuten Castejongo bi zinegotzi sozialisten aurkako neurriak hartuko dituztela esan du Chivitek

UPNren lau zinegotzik, IU-Zurekinen lauk, PSNren bik eta Castejon Gararen bakarrak osatutako osoko bilkuran, sozialisten botoek UPNri eman zioten Alkatetza, IU-Zurekinen hautagaia kargurik gabe utzita.

Noelia Guerra (UPN) alkate makilarekin, larunbatean, Castejonen. Argazkia: UPN
Noelia Guerra (UPN) alkate makilarekin, larunbatean, Castejonen. Argazkia: UPN
Noelia Guerra (UPN) alkate makilarekin, larunbatean, Castejonen. Argazkia: UPN

Agentziak | EITB Media

Whatsapp Facebook Twitter Telegram Email

Maria Chivite PSNko idazkari nagusiak gaur iragarri duenez, "neurri egokiak" hartuko dituzte Castejongo bi zinegotziekin, larunbatean UPNren alde bozkatu baitzuten.

UPNko lau zinegotzik, Nafarroako Ezker Batua eta Zurekin Nafarroa koalizioko lauk, PSNko bik eta Castejon Garako bakarrak osatutako osoko bilkuran, sozialisten botoek UPNri eman zioten Alkatetza, demokrazian lehen aldiz.

Chivitek komunikabideei Tuteran egindako adierazpenen arabera, kasu honetan "ez ziren bete alderdiak berak Castejongo ordezkariei emandako jarraibideak, eta, beraz, dagokion espedientea jarriko dugu martxan".

UPN babestu duten bi zinegotzi sozialistak, Aniceto Perez Vicente eta Gardenia Gregoria Coloma Moyano, ez dira PSNko afiliatuak, Chiviteren arabera, "baina neurriak hartuko dira".

Hau zure interesekoa bada, baliteke beste gai hauek ere izatea
Politika UPN PSN Nafarroa Nafarroako Hauteskundeak Eguneko albisteak Albisteak María Chivite