Politika -

AUZITEGI GORENA

'Tsunami Democràtic' auzian Puigdemont terrorismoagatik ikertzearen kontra agertu da Goreneko teniente fiskala

Gainera, 'Tsunami Democràtic' auzia Auzitegi Nazionalera itzultzea eskatu dio Maria Angeles Sanchez Condek auzitegiari. Horren esanetan, ez dago zantzurik Puigdemont terrorismoagatik ikertzeko.

Carles Puigdemont Juntseko eurodiputatu eta Generalitateko presidente ohia. Artxiboko argazkia: EFE
Carles Puigdemont Juntseko eurodiputatu eta Generalitateko presidente ohia, artxiboko irudi batean
Carles Puigdemont Juntseko eurodiputatu eta Generalitateko presidente ohia. Artxiboko argazkia: EFE

AGENTZIAK | EITB MEDIA

Whatsapp Facebook Twitter Telegram Email

Tsunami Democràtic auzian Carles Puigdemont terrorismo delituagatik ikertzearen aurka agertu da Maria Angeles Sanchez Conde Auzitegi Goreneko teniente fiskala. Horren esanetan, ez dago zantzurik Generalitateko presidente ohia eta Ruben Wagensberg diputatua terrorismoagatik ikertzeko.

Hortaz, Fiskaltzako bigarrena denak ez du bat egin Auzitegi Goreneko Fiskalen Batzordearekin. Izan ere, organo horrek eskatu zuen Puigdemont terrorismo delituagatik ikertzea Tsunami Democràtic auzian, "izaera terroristako talde antolatu bat" zelakoan.

Atzo, Goreneko fiskalek txostenean adierazi zuten Puigdemont Tsunami Democràtic taldearen "erabateko buruzagia" zela. Instrukzioa egiten ari den Manuel Garcia-Castellon Auzitegi Nazionaleko epaileak ere Generalitateko presidente ohiaren aurkako terrorismo zantzuak ikusten ditu Tsunamiren auzian.

Sanchez Condek Auzitegi Goreneko Bigarren Zigor Aretora bidali du orain txostena, kasua Auzitegi Nazionalera itzultzeko eskatuz.

Hau zure interesekoa bada, baliteke beste gai hauek ere izatea
Auzitegi Nazionala berriak Kataluniako albisteak Politika albisteak Auzitegi Gorena argazkiak Epaiketak Gaurko titularrak Gaurko azken orduko albistea Puigdemont azken ordukoa Kataluniako Ezker Errepublikanoaren albisteak Junts per Catalunya gaur