2024/05/01

Datozen orduetan zaparrada giroarekin jarraituko dugu. Aterruneak eta momentu lasaiak egongo diren arren, tarteka zaparradak bota ditzake nonahi eta ez dugu baztertzen zenbait txokotan ekaitzak jotzea. Elur-mailak jaisten jarraituko du eta egunaren bukaeran 1000 m inguruan egon daiteke. Mendebal eta ipar-mendebaldeko haizeak zakar joko du tarteka giro hotza eraginez.

Tenperatura:

• Bilbao: 9/14 ºC
• Donostia:8/12ºC
• Gasteiz:6/10 ºC
• Iruña:7/12 ºC

2024/05/02

Ostegunean giroa lasaiagoa izango da. Goizaldean eta goizeko lehen orduetan oraindik ere euria egin dezake leku batzuetan, baina goizak aurrera egin ahala ostarteak gailenduz joango dira eta giroa eguzkitsua izango da. Arratsaldean hodeiak ugarituko dira, batez ere barnealdean, eta zaparrada batzuk egin ditzake han eta hemen, probabilitate handiagoarekin barnealdean. Goiza hotza izango da eta Araba eta Nafarroako hainbat zonaldetan izotza egin dezake. Tenperatura maximoak apur bat igoko dira.

Tenperatura:

• Bilbao: 7/17 ºC
• Donostia:6/16ºC
• Gasteiz:2/15 ºC
• Iruña:3/16 ºC

2024/05/03

Giro nahiko atsegina izango dugu ostiralean eta giro eguzkitsua izango da, batez ere hasieran; ondoren lainotzera egingo du. Eguna lainogune batzuekin hasiko dugu, baina orokorrean ostarteak zabalak izango dira goizean, erdi mailako hodei eta goi-hodeik batzuekin. Arratsaldean zerua estaltzen joango da eta egunaren amaieran euri egin dezake; euri txikia izango da. Hego-haizeak beste bultzadatxo bat emango dio tenperaturari, eta beroenak 18-20 ºC artera irits daitezke.

Tenperatura:

• Bilbao: 8/20 ºC
• Donostia:7/19ºC
• Gasteiz:3/16 ºC
• Iruña:4/20 ºC