Bilbao Basket
Porrota
RETAbet Bilbao Basketek UCAM Murtziarekin galdu du 82-71
Agentziak | Erredakzioa
Carles Duranen taldeak ondo hasi du neurketa baina gero bilbotarren jokoak behera egin du nabarmen.
-
Todorovic. Aragzkia: Efe.
UCAM Murtziak bolada txarrari amaiera eman dio RETAbet Bilbao Basketen aurka lortutako garaipenari esker. Murtziarrek oso txarto hasi dute neurketa, baina horri ere buelta eman diote eta azkenean nagusi izan dira markagailuan.
Lehen laurdenean bilbotarrek aurrea hartu dute eta lehen 10 minutuak 17-23ko emaitzarekin amaitu dira.
Gauzak aldatzen hasi dira bigarren laurdenaren hasieran, batez ere hiruko saskiraketen bidez, murtziarrek ordura arteko 10 hirukoetatik bakarra sartu baitute.
Jonathan Taburen hiruko batek eman die bizkaitarrei neurketako alderik handiena (19-30), 13. minutuan. Baina hortxe amaitu dira beltzezko gizonen une gozoak, atsedenaldira abantaila txiki batekin iritsi diren arren.
UCAM Murtziak jokoaren eta markagailuaren kontrol hartu du bigarren zatian eta bizkaitarrak jokoaren arlo guztietan gainditu dituzte. Horrela, 82 eta 71 gailendu dira.
Fitxa teknikoa
82. UCAM Murtzia (17+23+20+22): Hannah (6), Oleson (19), Rojas (5), Soko (20) eta Tumba (2) -hasierako boskotea-, Alberto Martín (-), Benite (11), Kloof (12), Delía (7) eta Lukovic (-).
71. RETAbet Bilbao Basket (23+19+8+21): Tabu (5), Redivo (5), Tomàs (17), Hervelle (5) eta Gladness (8) -hasierako boskotea-, Ricardo Fischer (-), Hammink (4), Salgado (1), Mumbrú (17), Todorovic (7) eta Vucetic (2)
