Gabarra

Gabarra Bilboko Itsasmuseumeko dike lehorrera itzuli da, Getxotik Bilboko udaletxeraino itsasadarra zeharkatu ondoren, joan den ostegunean, Athletic Clubek irabazitako Errege Kopako 25. titulua ospatzeko.

ETB audientzia-buru izan zen atzo; ETB2 eguneko katerik ikusiena izan zen, % 15,7ko kuotarekin. EITBren online seinaleak, gainera, 400.000 ikustaldiren langatik gertu dago jada eitb.eus-en eta EITBren eta Athletic Cluben YouTubeko kanaletan.

Bilboko alkatearentzat atzoko egunaren balantzea "zoragarria" da. Onartu du egun osoan oso urduri egon zela hainbeste jende zegoelako, baina azkenean dena ongi atera zela ikusita oso pozik dagoela adierazi du.

Garbitzaileak erantzun ezinik ibili dira Bilboko kaleak garbitzeko lanetan. Milaka kilo zabor bildu dituzte, Aste Nagusiaren antzeko operatibo batean. Goizean goiz, zenbait kaletan oraindik ere ikusten zen hondakinen arrastoa.

Milaka zale zuri-gorrik bat egin dute ostegun honetan Athleticek itsasadarrean eta Bilbon egingo dituen ospakizunekin. Hemen dituzu eguneko unerik onenak.

Haien ereserki bilakatu duten kanta abestu dute Bizkaiko Foru Aldundiaren jauregian, Bilboko Korala Elkarteak lagunduta, zale zuri-gorriakaz batera.

Autobusa atzean utzita, koparekin batera jauregira sartu dira txapeldunak, sorpresa eta guzti!

Talde bilbotarrak amaitutzat eman du Bilboko Udaleko ekitaldi instituzionala Txoriak Txori abestuz bere zaleekin batera.

Gainontzeko kideen iruzkinetatik desmarkatu eta beste mezu mota bat helarazi die Asier Villalibrek zaleei, alegia, euskaraz bizi daitezela: "Ez dakizue benetan ze polita den zuek euskaraz entzutea, San Mamesen, Bilbon, kaletik, edonondik…".

Athletic Clubek txapeldun titulua eskaini die bere zaleei Bilboko Udaletxeko balkoitik. De Marcos eta Muniain kapitainek, Valverde entrenatzaileak, Jon Uriarte presidenteak eta Iribar enbaxadoreak jaso dute kopa. Batera abestu dute taldeko ereserkia.

Zuri-gorrien espedizioa kantu eta bengala artean iritsi da Bilboko Udaletxera. Oscar de Marcosek eta Iker Muniainek eraman dute titulua udaletxera, ekitaldi instituzionalari hasiera eman aurretik.

Gabarra eta Athleticeko talde osoa Bilboko udaletxera ailegatu dira eta, horrekin batera, udal-agintariek harrera egin diete. Atarian milaka lagun daude ere harrera beroa egiten, denak zuri-gorriz jantzita.

Segizio zuri-gorriak irudi ikusgarriak utzi ditu ibilbide osoan.

Gabarra eta bere segizio guztia hiribildura iritsi dira, itsasadarraren bi aldeetan marea zuri-gorri handi bat lagun zuela.

Hainbeste euforiaren artean, ez daudenei omenaldi sentitua egin die talde zuri-gorriak. Horrela, jokalariek eta teknikariek petaloak jaurti dituzte Bilboko itsasadarrera San Mames parean.

Talde zuri-gorriari Sevillan berdinketa eta, horri esker, garaipenerako aukera eman zion golaren egileak zaleei eskerrak eman dizkie, "beti hor baitago, taldea babesten".

Iñaki eta Nico Williams Athleticeko jokalariek, urte hauetan jasotako babesa eskertu dute eta eskerrak eman dizkie zale zuri-gorriei. "Amets bat bizitzen" ari direla aipatu dute.

Prozesio zuri-gorriak itsasadarraren zati erdia zeharkatu du, Kopako garaipena zaleei eskainiz.

Jai giroan, Athleticeko jokalariak talde zuri-gorrian eman dituen 15 denboraldien balorazioa egin eta kopa irabazi zuten unea nola bizi izan zuen azaldu du.

Joan den larunbatean Sevillan Errege Kopako txapeldun izan zen talde zuri-gorria garraiatzen duen 'Athletic' gabarra Abrako Itsas Klubetik (Getxo) abiatu da dagoeneko, Itsasadarrean ibilbidea egiteko, eguraldi apartarekin.

Angel Mari Peñagarikano bertsolariak Athletic zoriondu du bertso batekin, Errege Kopa irabazteagatik.

Milaka pertsonek bete dituzte Bilboko itsasadarraren ertzak goizean goizetik, Athleticeko jokalariak eta Errege Kopa eramango dituen gabarra gertutik ikusteko.

Bilbo hiria eta itsasadarraren ertzeko gainerako herriak jendez gainezka daude jada, gabarra Bizkaiko ibai-arteria nagusiko urak zeharkatzen hasteko zain.

Ehunka pertsona daude goizean goizetik gabarra Portugaletetik Bilborako bidean noiz igaroko zain. Errege Kopako txapeldunak 16:50ean herritik pasatzea espero da.

Gabarra 16:30ean aterako da Getxotik eta 18:35ean Bilbiko Udaletxera iritsiko dela aurreikusten da. Handik, autobusez, Bizkaiko Foru Aldundiaren egoitzara joango dira jokalariak.

Rodrigo Gartziak Gabarrako segurtasun-operatiboaren nondik norakoak azaldu ditu "Egun on Euskadi" saioan. Segurtasun aldetik Euskadin inoiz ezagutu duten dispositiboa ezarri dutela azaldu du Segurtasun sailburuak.

Goizean goizetik milaka pertsona pilatu dira itsasadarraren ertzetan gaur arratsaldean gabarra pasatzen ikusteko. Milioi bat pertsona baino gehiago joatea espero da ospakizuna gertutik ikustera.

Batzuek gaua eman dute, beste batzuk goizean goizetik joan dira... Kontua da lehenbailehen lekua hartzea, gabarraren jaitsieraz bertatik bertara gozatzeko.

Gainera, Ertzaintzak prebentziozko ibilbideak egin ditu, airez zein urez, Athleticek Bilboko itsasadarra gabarran zeharkatu baino egun bat lehenago, Errege Kopako txapeldun gisa lortutako garaipena ospatzeko.

Errege Kopako titulua eskuratu ondoren, Athletic entrenamenduetara itzuli da Vila-realen aurkako neurketa prestatzeko. Hiru eguneko ospakizunen ondoren, Bilboko taldeak Lezamako instalazioetan entrenatu du Gabarraren ibilbidearen bezperan. Yerayk ez du entrenatu.