Itzali egin dituzte Bizkaian ostiralean piztutako hiru suteak

- 03:40an sutea piztu da Zugaztietan (Trapagaran), Arbaltzaga mendiaren inguruan. 13:30 igarota itzali dute. 25-30 hektareari eragin die.

- 06:50 aldera, beste sute bat abiatu da Berangon. Badaezpada, inguruko zortzi baserri hustu dituzte (etxera itzuli dira) eta BI-2124 errepidea itxi dute. Sua 16:00ak aldera itzali egin dute. 30-40 hektareari eragin die.

- 09:00ak inguru, hirugarren sute bat piztu da Larrondon (Loiu); handik gutxira amatatu dute. Kearen ondorioz, zirkulazio arazoak sortu dira Txorierriko Igarobidean (BI-673).