CSKA Mosku-Caja Laboral, (84-83): Lidergoa, errusiarrentzat

Caja Laboral Baskoniak Euroligako multzoko faseko azken ihardunaldia jokatu zuen CSKA de Moskuren aurka errusian. Gasteiztarrek ezin izan izan zuten multzoko lidergoa eskuratu 84-83 galdu baitzuten.

Baskoniak gogo eta erritmo biziz ekin zion partidari eta abantaila politak hartu zituen hasierako minutuetan (2-6, 5-9, 5-12 eta 8-14), baina CSKAk azkar erantzun zuen eta erraz hurbildu zen bi puntura (17-19). Azken bi minutuetan, ordea, defentsan lan bikaina egin zuten arabarrek eta lehen laurdena 18-24ko emaitzaz bukatu zen.

Bigarren laurdena ere oso ondo hasi zuen Caja Laboralek. Hasi eta jarraian 9 puntuko abantaila hartu zuen Ivanovicen taldeak eta errusiarren entrenatzaileak hutsartea eskatu behar izan zuen arabarren saskiratze bolada mozteko. Hutsarte honek on egin zion CSKAri, izan ere laurdena bukatzeko bi minutu falta zirenean hiru puntura jarri baitziren (36-39).

Atsedenalditik bueltan indartsu kantxaratu zen etxeko taldea eta azkar hasi zen aldeak handitzen zazpi punturainoko abantailak lortuz (65-58). Teletovicek azken segundoan sartutako hiruko bati ezker 5 puntuko desabantailarekin bukatu zuen Baskoniak hirugarren laurdena (68-63).

Azken laurdena hasi eta jarraian 11 puntuko aldea hartu zuen talde errusiarrak (74-63), baina laurdenaren erdira iritsi orduko bost puntura jarri ziren gasteiztarrak (76-71). Amaierarako bi minutu falta zirela partida berdindu zuen Caja Laboralek (79-79). Azken segundoetan gehiago asmatu du CSKAk, baina Singletarik bere eskuetan izan du azken baloi jabetza. Hiruko jaurtiketarekin saiatu da Baskoniako jokalaria, baina huts egin du eta errusiarrek eraman dute garaipena.

Porrot honekin Caja Laboral C multzoko bigarren sailkatu bezala joango da ''Top 16''ra.

Fitxa Teknikoa:

84 - CSKA Mosku (18+23+27+16): Planinic (7), Langdon (21),Siskauskas (21), Khryapa (17), Kaun (6), Holden (11),Sokolov (1), Kurbanov.

83 - Caja Laboral (24+15+24+20): Huertas (2), San Emeterio (8),Herrmann, Teletovic (21), Splitter (16), Singletary(16), Ribas (14), Barac (4), English (2), Eliyahu.