Musika
Pianoa
Zimermanek agur esan dio bere euskal entzuleriari
Erredakzioa
Bilboko Euskalduna Jauregian izan zen asteazkenean, Gasteizko Antzoki Zaharrean ostegunean eta larunbatean, Donostiako Victoria Eugenian. Hiruetan Chopinen sonatak interpretatu ditu.
Piano-jotzailea klasikoa den Krystian Zimerman aste honetan izan dugu Euskadin. Guztira, hiru emanaldi eskaini ditu gurean. Asteazkenean Bilboko Euskalduna Jauregian izan zen, arratsaldeko 20:00etan. Ostegunean Gasteizko Antzoki&' || 'nbsp;Zaharrean (arratsaldeko 20:30ean) eta larunbat honetan, Donostia bisitatu du, Victoria Eugenian emanaldia eskaintzeko asmoz. Chopinen obren ezagutza zabala du Zimermanek. Hori dela eta, musikagile poloniar honen bi sonata interpretatu ditu hiru kontzertuetan.
Krystian Zimermanek Chopineko Nazioarteko Lehiaketaren Saria Nagusia jaso zuen 1975ean. Urte bat beranduago, Berlineko Orkestra Filarmonikoarekin estreinatu zen. Ordutik hona pianojole famatuenetarikoa da nazioarte mailan, bere emanaldiengatik eta baita Deutsche Grammophon ekoiztetxearekin grabatutako diskoengatik ere. Nabarmentzekoa da Leonard Bernsteinekin izandako harreman profesional emankorra.
