Binakakoa
Ostiral honetan
Binakakoa: Xala eta Zubieta, aurreneko garaipenaren bila Irunen
Txetxu Urbieta
Erredakzioa
Berasaluze eta Aritz Beginoren aurka neurtuko dituzte indarrak Uranzu pilotalekuan.
Binakako txapelketa nagusian hirugarren jardunaldiko aurreneko partida jokatuko da ostiral honetan Irungo Uranzu pilotalekuan. Pablo Berasaluze eta Aritz Begino Xala eta Zubietaren aurka neurtuko dira. Asegarceko bikotea da partida irabazi eta bigarren garaipena lortzeko faborito argia.
Xala eta Zubietak berriz aurreneko garaipena lortzen ez badute finalerdietan sartzeko borrokatik urrun geldituko dira. Euskal Telebistak zuzenean eskainiko du partida.
Bigarren mailako txapelketan gaur bi partida jokatuko dira. Irunen bertan Arretxe II eta Ibai Zabala Aritz Lasa eta Merinoren aurka. Murillo El Fruton, Diaz eta Apraiz Olazábal eta Arrutiren aurka.
