Binakakoa
22-14
Binakako txapelketa: Berasaluzek eta Beginok bizirik irauten dute
Txetxu Urbieta
Erredakzioa
Asegarceko bikoteak 22-14 irabazi dio Gonzalez-Laskurain bikoteari.
Pablo Berasaluzek eta Aritz Beginok 22 eta 14 irabazi dute Gonzalezen eta Laskurainen aurka gaur Idiazabalen jokatu den Binakako txapelketako bosgarren jardunaldiko partida.
Neurketa parekatua izan da baina ez ikusgarria. Asegarceko bikoteak garaipena behar zuen eta lortu ere bai. Ondorioz, gaur elkarren aurka aritu diren bi bikoteek bina garaipen dituzte sailkapenean.
Bihar Eibarren Xala eta Zubieta Oinatz Bengoetxearen eta Otxandorenaren aurka neurtuko dira.
Iruñean Promozio txapelketako bi partida jokatu dira. Saralegik eta Eskuderok 22 eta 9 irabazi dute Retegi Biren eta Cecilioren aurka. Urrutikoetxeak eta Izak berriz 22 eta 19 menderatu dituzte Aritz Lasa eta Merino.
