Osasuna
Porrota Sánchez Pizjuanen
Sevilla-Osasuna (1-0): Gorritxoak, puntu gabe etxera
Erredakzioa
Nahiz eta lehen zati ona jokatu, Camachoren mutilak ez dira markagailuari buelta emateko gai izan. Luis Fabianok lehen zatiko 35. minutuan sartu du Sevillaren aldeko gola.
Osasuna ez zen gai izan etxetik kanpo Sevillaren aurka punturik ateratzeko . Nafarrak, indartsu irten ziren zelaira, andaluziarren defentsa asko presionatuz eta baloi asko errekuperatuz. Masoudek eta Pandianik aukera paregabeak izan zituzten golak egiteko, baina Palop atezain bikainarekin aurkitu ziren.
Lehen zatiko 35. minutuan, Diego Capel gazteak erdiraketa bikaina egin zuen eta Luis Fabianoren burukada Ricardoren ate barrura sartu zen markagailuan 1-0ekoa jarriz. Bigarren zatian, Camachoren mutilak nekatuago irten ziren zelaira eta ez ziren Palopen atera arriskuz hurbiltzeko gai izan. Azkenan, Manolo Jimenezen taldeak 3 puntuak lortu zituen eta Osasunak hurrengo astebururarte itxaron beharko du beste garaipen bat lortzeko.
Fitxa teknikoa:
Sevilla: Palop; Adriano, Stankevicius, Escudé, Fazio; Jesús Navas, Zokora, Renato, Capel (Perotti, m.83); Luis Fabiano (Romaric, m.76) eta Kanouté (Negredo, m.55).
Osasuna: Ricardo; Echaide, Miguel Flaño, Sergio, Monreal; Nekounam, Puñal, Camuñas, Calleja (Vadócz m.86); Masoud (Dady, m.62) eta Pandiani (Galán, m.81).
Gola: 1-0, 34. min: Luis Fabiano.
