Lasarte (Girona-Reala): "Aurrerapausu nabarmena emateko garaia da"

Hori bai, igo ahal izateko zenbat puntu behar izango ote diren galdetuta, erantzun zuhurra uruguaitarrak bota duena. "Ez ditut kontuak egiten. Goiztiarregia da. Puntu asko daude jokoan oraindik ere. Partidaz partida goaz eta hala jarraitu behar dugu". Hain zuzen, hurrengo neurketa Montilivin jokatu dute gipuzkoarrek. Kontrarioa puztuta iritsiko da Vallecastik 3-0eko emaitzarekin gailen atera ondorenean eta horretaz ohartu du. "Behe-beheko postuetan ez sartzeko ahaleginean da Girona eta horrek indar handia, energia handia aitortzen dio. Hori kontrolatzen jakin behar dugu. Joan den asteko emaitza dela eta jakinaren gainean goaz".

Mikel Gonzalezek arazorik gabe burutu du gaur goizeko entrenaldia eta hasieratik jokatzeko moduan da. Jonathan Estrada, bestalde, ahazturaren putzutik aterako da laster. "Tajuz ari da entrenamenduetan. Beste indar batekin bueltatu zen Gabonetatik eta jokatzeko aukera emango diogu".

Azkenik, min hartutakoen egoeraz mintzatu da Lasarte. "Xabi Prietok ez du inolako eragozpenik izan eta hori garrantzitsua da. Eperik zehaztu ez arren, baliteke Huescan berragertzea; Zurutuzak aurki behar du gainerakoekin batera, heldu den astean edo. Gogotsu dago, lesioekiko mendekua hartu nahirik; Estradaren inguruko albisteak onak dira, atzo hasi baitzen korrika".