telebista
Goizeko albistegia
Ordenagailuen segurtasunaz, "Egun On Euskadi" saioan
A.E.
EITB
Aitzol Zubizarretak Luis Corrons PandaLabs-eko idazkari teknikoa elkarrizketatuko du.
Asteartean, "Egun On Euskadi" saioko elkarrizketaren tartean ordenagailuen segurtasuna izango dute hizpide. Gaia jorratzeko Luis Corrons PandaLabs-eko zuzendari teknikoa elkarrizketatuko du Aitzol Zubizarretak. Joan zen astean ordenagailu zonbie sarea desegin zuen Goardia Zibilak FBI eta Panda Securitiyren lankidetzaz. Polizia operazio horren ondorioz Balmasedako 30 urteko laguna atxilotu zuten sare horren kontrolatzaile izatea leporatuz. Sareak 13 milioi ordenagailu zituen kutsatuta eta mundu guztiko 800.000 erabiltzaileren informazio pertsonala eta bankuko informazioa zeukan eskuratuta. Guztira 500 enpresa eta 40 banketxe baino gehiago ere kutsatzea leporatzen zieten.
Elkarrizketaz gainera, egun-eguneko gaien solas tartean Juan Mari Gastaca, Iñaki Gonzalez eta Josean Izarra kolaboratzaileek hartuko dute parte.
"Egun On Euskadi" saioa astelehenetik ostiralera dago ikusgai 08:30ean hasita ETB-2n.
