Beste kirolak
Abu Dhabin
Triatloia: Llanos garaile Abu Dhabin
K.I.
Erredakzioa
Virginia Berasategi hirugarren sailkatu zen emakumezkoen proban.
Eneko Llanosek garaipena lortu zuen Abu Dhabiko triatloiaren lehen ekitaldian eta Virginia Berasategi hirugarren sailkatu zen emakumezkoen proban.
Hiru kilometro igerian eta 200 bizikletan egin ostean, zortzi triatleta elkarrekin iritsi ziren 20 kilometroko korrika saioaren hasierara. Eneko indartsu aurkitu zen, eta tartea egitea lortu zuen. Helmugara bakarrik iritsi zen gasteiztarra, bigarren sailkatuari ia minutua kendu ziolarik.
Llanosek lasterketa guztian zehar izandako sentipen onak azpimarratu zituen. Denboraldiko lehen hitzordua zuen gasteiztarrak, eta garaipena lortzeak indar handia eman diola adierazi zuen.
Virginia Berasategi hirugarren sailkatu zen emakumezkoen lasterketan, bi britainarren atzetik. 50-54 urteko kategorian Pedro Oviedo gasteiztarrak irabazi zuen.
GIZONEZKOEN SAILKAPENA
1.ENEKO LLANOS 6:34:37
2.DIRK BOCKEL 6:35:30 +0:53
3.RASMUS HENNING 6:36:07 +1:30
4FRASER CARTMELL 6:36:12 +1:36
5.FREDERIK VAN LIERDE6:36:31 +1:55
EMAKUMEZKOEN SAILKAPENA
1.JULIE DIBENS 7:08:25
2.LEANDA CAVE 7:12:23 +3:58
3. VIRGINIA BERASATEGUI 7:18:23 +9:58
4.CAROLINE STEFFEN 7:21:01 +12:36
5.CARRIE LESTER 7:23:04 +14:39
50-54 URTEKOEN SAILKAPENA
1.PEDRO OVIEDO-MONTOYA 7:57:36
2.HANS-ULRICH SEITLER 8:25:45 +28:09
3.JUERGEN HAMMES 9:20:36 +1:23:00
