Primera RFEF
Lehen Multzoa
Bigarren B Maila: Alavesek ezustekoa eman du Eibarri irabazita
Andoni Beldarrain
Erredakzioa
Barakaldok eta Lemoak jokatu zuten derbia 0-0eko emaitzarekin bukatu zen. Bilbao Athleticek galdu egin zuen Izarraren aurka eta jaitsierako promozio postuan dago.
Asteburu honetan Bigarren B Mailako 29. ihardunaldia jokatu da eta ez da orokorrean oso ona izan euskal taldeentzat.
Ihardunaldiko partida interesgarriena Ipuruan jokatu zen. Bertan neurtu zituzten indarrak Eibarrek eta Alavesek. Garaipena arabarrek eskuratu zuten 1-2ko emaitzarekin. Porrot honekin Eibar bigarren postuan aurkitzen da eta liderra den Ponferradinak 0-1 irabazi zion Osasuna Bri eta hiru puntuko abantaila dute armaginekiko. Osasuna B, 34 punturekin dago eta jaitsiera postuak bi puntura ditu. Alaveses, ordea, garaipenarekin aurrerapausoa eman du bosgarren postuan kokatuz play-off postuetatik puntu bakarrera.
Beste bi euskal derbi ere jokatu ziren ihardunaldi honetan. Barakaldok eta Lemoak 0-0 berdindu zuten Lasesarren. Arratiako taldea seigarren postuan dago play-off postuetatik puntu bira 44 punturekin eta Javi Gonzalez Etxebarriaren taldea 11. postuan dago 37 punturekin. Beste derbian, Izarrak 1-2 irabazi zion Bilbao Athletici Lezaman. Horrela, nafarrek puntuetara berdindu dute talde zuri-gorriarekin eta jaitsiera postuetatik at daude bizkaitarrek baino gol average hobea dutelako. Bilbao Athletic jaitsierako promozio postuan dago.
Arazo ugari dituen beste euskal talde bat Sestao da. Ihardunaldi honetan 0-2 galdu zuten Pontevedraren aurka eta 19. postuan daude 29 punturekin. Riverrek salbazioa hiru puntura du.
29. ihardunaldiko emaitzak Lehen Multzoan :
AT. OSASUNA B 0 - 1 PONFERRADINA
ATHLETIC B 0 - 2 IZARRA
RACING FERROL 1 - 1 ZAMORA
PALENCIA 1 - 0 MONTAÑEROS
MIRANDES 0 - 2 CELTA B
SESTAO RIVER 0 - 2 PONTEVEDRA
BARAKALDO 0 - 0 LEMONA
EIBAR 1 - 2 ALAVES
LUGO 0 - 0 C. LEONESA
COMPOSTELA 1 - 1 GUIJUELO
