Bigarren B Maila: Euskal derbiz beteriko ihardunaldia

Bigarren B Mailako Lehen multzoko 30 ihadunaldiko partida gehienak igandean jokatuko dira. Larunbatean jokatuko den partida bakarra Montañeros-Ponferradina izango da.

Ihardunaldia euskal derbiz beteta dago. Arlonagusian Lemoa eta Bilbao Athletic ariko dira elkarren aurka. Arratiako taldea seigarren postuan dago 44 punturekin eta bi puntura du laugarren postua. Bilbao Athleticek 1-0 irabazi zion Celta Bri asteazkenean Lezaman eta arnasa apur bat hartu dute. Orain, 12. postuan daude 35 punturekin.

Beste derbi bat Gasteizen, Mendizorrotzan jokatuko da. Alaveses Barakaldo izango du aurkari. Arabarrak bosgarren postuan daude 45 punturekin eta laugarren postuan dagoen Pontevedra puntu bakarrera dute. Bizkaitarrak, ordea, 11. postuan daude 37 punturekin. Garaipenarekin jaitsiera postuak atzean uztea lortuko luke Javi Gonzalez Etxebarriak zuzentzen duen taldea.

Hirugarren euskal derbia Merkatondoako zelaian jokatuko da. Bertan Izarra eta Sestao ariko dira nor baino nor. Biak salbazioa lortzeko leían erabat murgildurik daude. Nafarrak jaitsierako promozio postuan daude 32 punturekin eta Sestao 19. postuan dago 29 punturekin.

Beste bi euskal taldeek ez dituzte partida errazak izando. Bigarren postuan dagoen Eibarrek (55 puntu) Reyno de Leonen jokatuko du Cultural Leonesaren aurka. Leongoak 14. postuan daude 33 punturekin. Bestalde, Osasuna Bk (13. postua, 34 puntu) aurkari zuzena bisitatuko du. Racing Ferrol izango dute aurkari. Galiziarrak 18. postuan daude 29 punturekin.

30. ihardunaldiko partidak Lehen multzoan:

20/03 18:30 MONTAÑEROS - PONFERRADINA
21/03 12:00 CELTA B - PALENCIA
21/03 16:45 RACING FERROL - AT. OSASUNA B
21/03 17:00 PONTEVEDRA - MIRANDES
21/03 17:00 IZARRA - SESTAO RIVER
21/03 17:00 LEMONA - ATHLETIC B
21/03 17:00 ALAVES - BARAKALDO
21/03 17:00 C. LEONESA - EIBAR
21/03 17:00 GUIJUELO - LUGO
21/03 17:00 ZAMORA - COMPOSTELA