Txirrindularitza
Egutegian aldaketak
Mark Cavendishek ez du Giroan parte hartuko
Erredakzioa
Britainiarrak, munduko esprinterrik onenak, ez du Giroan parte hartuko eta data horietan Kaliforniako Itzulia korrituko du.
Mark Cavendishek -23 garaipen 2009an, Milano-San Remo, Frantziako Tourreko sei etapa eta Giroko hiru horien artean- lasterketa italiarrari uko egin eta Kaliforniako Itzuliaren aldeko hautua egin du. Bob Stapleton Columbia taldeko zuzendariaren aburuz, lasterketa estatubatuarra "gero eta garrantzitsuagoa da".
"Giroa data berdinetan lehiatuko da, baina oso talde sendoa daukagu eta munduko bi esprinter onenak izan daitezkeenak, Cavendish eta Andre Greipel, eta beraz, talde indartsuak jarriko ditugu bi lasterketetan", esan du Stapleton.
Columbiako zuzendariak gogoratu du Cavendishek erritmo motelagoan hasi duela denboraldia haginetako infekzioa bat dela-eta, eta etapa garaipen bakarra du aurtengo sasoian, Kataluniako Itzulian lortutakoa.
Columbiak Kalifornian Michael Rogers jarriko du sailkapen nagusiko lehiarako.
