kirolak
Buruz Burukoa
Promozio txapelketa: Julen Retegi, ondo Beroizen aurka (22-13)
Txetxu Urbieta
Erredakzioa
Ezustekoa eman du iazko bigarren mailako txapeldunari irabazita.
Julen Retegik 22 eta 13 irabazi du Mikel Beroizen gaur Eibarko Astelenan jokatu duten Promozio txapelketako partida. Retegi gazteak partida ona egin behar izan du tarteka maila onean aritu den Beroiz menderatzeko.
Julen Retegik hamabost egun barru Leiza izango du aurkari. Multzoko beste partida Oier Mendizabalek eta Mikel Beroizek jokatuko dute.
Jaialdiko aurreneko partidan Xalak eta Merinok 22 eta 21 irabazi dute Olazabalen eta Pascualen aurka. Xalak datorren asteazkenean jasoko du Erriberrin Euskadi Irratia saria, Binakako txapelketako pilotari onenaren saria.
