Bela (49er): Iker eta Xabi, seigarren Hyeresen

49er klaseko bela txapelketa garrantzitsua izan ohi da urtero Frantziako Hyeresen. Iker Martinez eta Xabi Fernandez seigarren sailkatu ziren.

Haize gutxi izan zuten aste guztian zehar, eta txanda gutxi osatu egin ahal izan zituzten. Gipuzkoarrek onenen artean ibili nahi zuten, eta halaxe lortu zuten, Medal Race azken estropada baliotsuan garaipena lortu zutelarik. Orotara, sailkapen nagusian, seigarren.

Gustora gelditu ziren itsasgizion euskaldunak, munduko bira egingo duten ontzi handian buru belarri ibili baitira azken hilabeteetan, 49er ontzia ia ukitu gabe.

Paul Brotherton eta Mark Asqith britainiarrak irabazi zuten Hyeresen, 59 punturekin. Ikerrek eta Xabik hirugarren postutik 5 puntura amaitu dute.