X-amorebieta-X
Zornotzan
Herrira: 'PSEk presoen aldeko mozioa onartzea ekidin du EAJk'
Erredakzioa
Zornotzako Herrira mugimenduak salatu duenez, PSEk Zornotzako presoen aldeko mozioa babestea ekidin zuen EAJren "amarru batek" iragan ostiraleko Osoko Bilkuran.
Zornotzako Herrira mugimenduak salatu duenez, PSEk Zornotzako presoen aldeko mozioa babestea ekidin zuen EAJren "amarru batek" iragan ostiraleko Osoko Bilkuran.
Egin Dezagun Bidea ekimenaren adierazpen bozkatu zuten ostiralean, Zornotzako Udalan. Mozioan Iñigo Akaiturri eta Juan Jose Legorburu presoak "berehala aske uztea" eskatzen zuten, "zigorra beteta dutelako".
Horrez gain, "espetxe-zigorra 40 urtera luzatzea ahalbidetzen duen araua ez aplikatzea eta egungo kartzela-politika aldatzea" eskatzen zuen mozioak.
EAJ (8 zinegotzi) abstenitu egin zen, Bilduk (7) aldeko botoa eman zuen eta PSEk(2) kontra bozkatu zuen. Ondorioz, mozioak aurrera egin zuen Bilduren eta EAJren botoei esker.
Zornotzako Herrira mugimenduak azpimarratu duenez, PSEk aipatu mozioa "babesteko konpomisoa" hartu zuen, baina EAJk egindako "azpijoko baten ondorioz", Alderdi Sozialistaren zuzendartzak "kontrako botoa ematera behartu zuen Zornotzako PSE".
Osoko Bilkura bukatzean, Antonio Castellet PSEko zinegotziak mozioa babestu ez izana deitoratu zuen, Herrira-ren arabera.
Mugimenduak azaldu duenez, osoko bilkura egin baino bi egun lehenago, iragan asteazkenean, EAJk "albiste-agentzia bati filtrazioa egin zion", Zornotzako PSEk eta Bilduk ETAko bi presoren askatasuna eskatuz "mozio bat onartu behar zutela zabalduz".
Herrira mugimenduaren arabera, gaia "Alderdi Sozialistaren zuzendaritza nagusiraino heldu zen", eta Zornotzako PSEko zinegotziak "kontra bozkatzera behartu zituzten".
