11:05

Herriak eta Hiriak

Gabonak

Noria eta txikienentzako lera-pista, Donostiako Gabonetako Merkatu Nagusian

Agentziak | Erredakzioa

Tailerrak, musika zuzenean eta Urumea ibaitik piroteknia ere izango dira.

0:53
  • Whatsapp
  • Whatsapp
  • telegram
  • Bidali

Donostiako Gabonetako Azoka Frantziako pasealekuan izango da beste behin, eta zurezko 30 bat etxola egongo dira Gabonetako ohiko produktu-mota askorekin (opariak, moda edota elikagaiak) eta publiko guztiei zuzenduriko jarduera-programa zabala eskainiko du: musika, gastronomia, moda, desfileak, tailerrak, e.a.

Gabonetako Azokak noria bat ere ekarriko du, eta txikienentzako lera-pista bat. Merkatua abenduaren 4tik aurrera izango da martxan, eta Gabonetako argiak ere ordutik aurrera izango dira ikusgai, Frantziako pasealekuan.

Aurten, Gabonetan kaleak argiztatzeko 392 apaingarri jarri dituzte; Gabonetako bola handi bat (Kontxako pasealekuan) eta bi zuhaitz handi (Miramar Jauregian eta Artzain Onaren plazan) tartean.

Gabonak Donostia,  Kontxa pasealekuko bola. Navidad San Sebastian, bola del Paseo de La Concha. Foto: JON HERNANDEZ UTRERA

(Joan den urtean bezala, Gabonetako bola handia izango da aurten ere Donostian. Argazkia: Jon Hernandez Utrera).

Tailerrak, musika eta su artifizialak

Gabonetako Azokan, karpa handi bat izango da jarduerak, tailerrak, ikuskizunak eta abar jasotzeko; besteak beste, gastronomia tailerrak, magia ikuskizunak, pailazoak eta ipuin kontalariak egongo dira bertan.

Bestalde, oparien tailerrak, koroak egitekoak, makilatzekoak eta apainketari buruzkoak egingo dira, eta, halaber, Donostiako diseinatzaileen moda-erakustaldiak egingo dira, tokiko talentua bultzatu eta ezagutzera emateko asmoz. Mikro-kontzertuak, abesbatzak, dantza-ikuskizunak, bertsolariak eta abar egongo dira Gabonetako Azokako karpan.

Gainera, Gabon hauetan, lehen aldiz, hainbat piroteknia ikuskizun eskainiko dituzte Urumea ibaian jarritako plataformatik. Eta, berrikuntza gisa, kubo handi batzuek Urumea ibaia argiztatuko dute Donostian Gabonetan, Gabonetako opariak balira bezala.

Gabonetako Azokan, Olentzero eta Mari Domingirentzako lekua ere izango da, txikienen eskaerak jasotzeko. Era berean, Errege Magoak iristen direnerako ere balioko du. Erregeak ibaian barrena iritsiko dira lehen aldiz, eta Urumean, Merkatuaren parean, lotutako gabarra baten bidez igoko dira.

Azkenik, Alemaniako Wiesbaden hiria Donostiarekin senidetuta dago, eta Gabonetako Azokan bere lekua izango du, postu batean Alemaniako ohiko gastronomia zerbitzatuko baitute.

Iruzkinak

  • Publizitatea
    Publizitatea
    Publizitatea
    Publizitatea
    Publizitatea

    Bisitatuena

      Kargatzen ikusiena
      Kargatzen ikusiena