Euskadi Irratia
Euskadi Irratia
Nafarroako Gobernuko inbestidura eztabaida 'Euskadi Irratian'
Euskadi Irratiko lantalde zabala Nafarroako Parlamentuan. 9:30ean diskurtsoaren hasiera eskaini dugu zuzenean eta arratsaldean egingo den hautagaiaren bozketarekin amaituko da eguna.
'Euskadi Irratiak' egun osoko jarraipena egiten ari da Nafarroako Legebiltzarretik; horretarako lantalde zabala bidali du 'Euskadi Irratiak'.
'Faktoria' zuzenean bertatik emitituko da 8:00etatik aurrera. 8:30ean solasaldia egingo dute Iñaki Soto Gara egunkariko zuzendariarekin, Carlos Vilches soziologoarekin eta Ibai Fernandez Noticias taldeko arduradunarekin, eta ondoren Nafarroako parlamentuko presidentea, Ainhoa Aznarez elkarrizketatuko du Oihane Yustosek. 9:05ean, inbestidura eztabaidaren hasierako diskurtsoa baino lehen, Geroa Bai, EHBildu, Podemos eta UPN-ko ordezkariak elkarrizketatuko dituzte, eta ondoren, 9:30ak inguruan diskurtsoaren hasiera eskainiko dute zuzenean, eta goizean, atzetik etorriko diren beste diskurtsoen jarraipena egingo dute.
Arratsaldean 'Mezularian' egunaren gaineko errepasoa egingo dute Iratxe Eizagirre eta Miren Rubio 'Euskadi Irratiko' kazetariek eta ondoren eguneko protagonistekin hitz egingo dute. Bozketaren unea arratsaldeko 8etarako espero da eta zuzenean eskainiko dizue 'Euskadi Irratiak'.
